ຕອນເຊົ້າເວລາ 8 ໂມງ 00 ນາທີ ຂອງ ວັນທີ 16 ພຶດສະພາ 2023 ຢູ່ທີ່ຫ້ອງປະຊຸມຫ້ອງວ່າການແຂວງ ຊັ້ນ 3 ໄດ້ເປີດກອງປະຊຸມທາບທາມເນື້ອໃນ ແລະ ຄວາມໄວ້ວາງໃຈ ຂອງຄະນະໜ່ວຍພັກ, ສະມາຊິກພັກ ໜ່ວຍພັກຄົ້ນຄວ້າສັງລວມ, ພາຍໃຕ້ການເປັນປະທານ ຂອງສະຫາຍ ນາງ ຈັນປິງ ໂສລະຖີ ຮອງເລຂາຄະນະພັກຮາກຖານຫ້ອງວ່າການແຂວງ, ເລຂາໜ່ວຍພັກຄົ້ນຄວ້າສັງລວມ, ໃຫ້ກຽດເຂົ້າຮ່ວມ ແລະ ມີຄໍາເຫັນໂອ້ລົມຊີ້ນໍາ ຂອງ ສຸກຂະ ຫຼຽນທອງຄໍາ ຄະນະປະຈໍາພັກແຂວງ, ປະທານກວດກາພັກ-ລັດແຂວງ, ສະຫາຍ ຄໍາເກິ່ງ ຜີວວັນນາ ກໍາມະການພັກແຂວງ, ເລຂາຄະນະພັກຮາກຖານ ຫົວໜ້າຫ້ອງວ່າການແຂວງ, ມີຄະນະພັກຮາກຖານ, ຄະນະໜ່ວຍພັກ, ສະມາຊິກພັກ ແລະ ແຂກຕາງໜ້າຄະນະຈັດຕັ້ງແຂວງ, ຄະນະກວດກາພັກ-ລັດແຂວງ, ຜູ້ແທນກອງປະຊຸມເຂົ້າຮ່ວມ ທັງໝົດ 21 ສະຫາຍ, ຍິງ 11 ສະຫາຍ.

ກອງປະຊຸມໄດ້ຮັບຟັງການລາຍງານຮ່າງບົດສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ II ໄລຍະກາງສະໄໝ ຂອງໜ່ວຍພັກຄົ້ນຄວ້າ-ສັງລວມ ແລະ ທິດທາງແຜນການໄລຍະທ້າຍສະໄໝ; ຮ່າງບົດສະຫຼຸບຕີລາຄາການຈັດຕັ້ງປະຕິບັດວຽກງານວິຊາສະເພາະຂະແໜງຄົ້ນຄວ້າສັງລວມ; ຮ່າງບົດສໍາຫຼວດການນໍາພາລວມ ຂອງຄະນະໜ່ວຍພັກຄົ້ນຄວ້າ-ສັງລວມ, ຫຼັງຈາກນັ້ນສະມາຊິກພັກ ກໍ່ໄດ້ປະກອບຄໍາຄິດເຫັນຢ່າງກົງໄກ-ກົງມາ ຕໍ່ຮ່າງບົດສະຫຼຸບທັງ 3 ສະບັບ, ເພື່ອນໍາໄປປັບປຸງທາງດ້ານເນື້ອໃນໃຫ້ຄົບຖ້ວນສົມບູນ.