ການເຄື່ອນໄຫວຂອງທ່ານເຈົ້າແຂວງ-ຮອງເຈົ້າແຂວງ

ລັດຖະມົນຕີ ປະຈຳສຳນັກງານ ນາຍົກ ລັດຖະມົນຕີ ລົງຕິດຕາມຊຸກຍູ້ ການຈັດຕັ້ງປະຕິບັດ ນິຕິກຳ ລຸ່ມກົດໝາຍ ຢູ່ແຂວງບໍ່ແກ້ວ.

ວັນທີ 17 ມິຖຸນາ 2017 ນີ້ ທ່ານ ສຈ ປ.ອ ຈະເລີນ ເຢຍປາວເຮີ ລັດຖະມົນຕີ ປະຈຳສຳນັກງານນາຍົກ ຫົວໜ້າທິມງານຕິດຕາມ ແລະ ຊຸກຍູ້ການຈັດຕັັ້ງປະຕິບັດ ບັນດານິຕິກຳລຸ່ມກົດໝາຍ ພ້ອມດ້ວຍຄະນະ ໄດ້ລົງຕິດຕາມກວດກາ ການຈັດຕັ້ງການປະຕິບັດ ນິຕິກຳລຸ່ມກົດໝາຍ ຢູ່ແຂວງ ບໍ່ແກ້ວ. ທ່ານ ປ.ອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງ ບໍ່ແກ້ວ ໄດ້ລາຍງານສະພາບການຈັດຕັ້ງປະຕິບັດ ບັນດານິຕິກຳຂອງລັດຖະບານ ແລະ ການຊີ້ນຳຂອງທ່ານນາຍົກລັດຖະມົນຕີ, ເຈົ້າແຂວງໆບໍ່ແກ້ວ ໄດ້ລາຍງານວ່າ: ພາຍລັງໄດ້ຮັບຂໍ້ຕົກລົງຂອງນາຍົກລັດຖະມົນຕີ ເລກທີ 32 /ນຍ. ວັນທີ 20 ເມສາ 2017 ວ່າດ້ວຍ ການແຕ່ງຕັ້ງຄະນະຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດນິຕິ, ດຳລັດ, ຄຳສັງ, ຂໍ້ຕົກລົງຂອງລັດຖະບານ ແລະ ຄຳຊີ້ນຳຂອງນາຍົກ ລັດຖະມົນຕີ ແລະ ຄຳແນະນຳ ເລກທີ 01/ ສນຍ ແລ້ວຄະນະນຳຂອງແຂວງ ໄດ້ພ້ອມກັນຄົ້ນຄວ້າ ແລະ ພ້ອມກັນປະຕິບັດຢາງເຂັ້ມງວດ ໂດຍສະເພາະແມ່ນການແຕ່ງຕັ້ງບັນດາການນຳຂອງແຂວງ, ຫົວໜ້າພະແນກການ, ອົງການທຽບເທົ່າລົງເຜີຍແຜ່, ຜັນຂະຫຍາຍແຕ່ຂັ້ນແຂວງ ຈົນຮອດຮາກຖານ ແລະ ປະຊາຊົນບັນດາເຜົ່າ ໂດຍເລັ່ງໃສ່ບັນດາຄຳສັ່ງຂອງແຂວງ ເພື່ອໃຫ້ສອດຄ່ອງ ແລະ ແທດເໝາະ ກັບສະພາບຈຸດພິເສດ ເງື່ອນໄຂທ່າແຮງຂອງທ້ອງຖິ່ນ ເຊັ່ນ: ຄຳສັ່ງ ເລກທີ/15ນຍ, ຄຳສັ່ງຂອງທ່ານ ເຈົ້າແຂວງ ເລກທີ 786/ຈຂ.ບກ. ຄຳສັ່ງ ເລກທີ08/ນຍ.ຈາກນັ້ນ ທ່ານ ເຈົ້າແຂວງ ບໍ່ແກ້ວ, ການນຳແຂວງໄດ້ສະເໜີໃຫ້ຂັນເທິ່ງຊອກແຫຼ່ງທຶນ ເພື່ອສ້າງສູນບຳບັດຢາເສບຕິດ, ໃກ້ສິດຕິດແທດກັບແຂວງບໍ່ແກ້ວ ໃຫ້ຫຼາຍຂື້ນ.

ໂອກາດນີ້, ທ່ານລັດຖະມົນຕີ ປະຈຳສຳນັກງານນາຍົກ ໄດ້ຊົມເຊີຍ ຕໍ່ການນຳຂອງແຂວງທີ່ເອົາໃຈໃສ່ປະຕິບັດ ບັນດານິຕິກຳລຸ່ມກົດໝາຍຕ່າງໆ ຂອງລັດຖະບານ ໄດ້ເປັນຢ່າງດີ. ພ້ອມທັງຮຽກຮ້ອງ ໃຫ້ການນຳຂອງແຂວງ ສຶບຕໍ່ຜັນຂະຫຍາຍວຽກງານດັ່ງກ່າວ ໃຫ້ທົ່ວເທິງແຕ່ທ້ອງຖິນຈົນຮອດຮາກຖານ ກຸ່ມບ້ານ ແລະ ປະຊາຊົນບັນດາເຜົ່າ. ພ້ອມນັ້ນ ກໍ່ພ້ອມກັນແກ້ໄຂ ບັນຫາປະກົດການຫຍໍ້ທໍ້ພາຍໃນແຂວງ ເປັນຕົ້ນແມ່ນ ບັນຫາໄມ້ເຖື່ອນ, ລົດເຖື່ອນ, ຄົນເຖື່ອນ, ດິນເຖື່ອນ ແລະ ອຸປະກອນຕ່າງໆທີ່ເປັນຂອງເຖື່ອນ ລັກລອບນຳເຂົ້າ-ລົບຫຼີກພາສີ ໃຫ້ປະຕິບັດເຂັ້ມງວດ, ຖ້າຫາກມີພະນັກງານກຸ່ມໃດໜຶ່ງ ຫາກສົມຮູ້ຮ່ວມຄິດກັບການຄ້າຂາຍເຖືອນ ໃຫ້ວິໃນຢ່າງເຂັ່ງຄັດ. ເພື່ອແນ່ໃສ່ເຮັດໃຫ້ສັງຄົມມີຄວາມສະຫງົບປອດໄພ ຍຸຕິທຳ ປະຊາຊົນມີຄວາມປອງດອງສາມັກຄີ ຫາກິນດ້ວຍຄວາມຊື່ສັດ ສຸດຈະລິດ.

ແຜນທີແຂວງບໍ່ແກ້ວ

ເບີໂທສຸກເສີນ

- ຕຳຫຼວດ: 084 211 338
- ດັບເພີງ: 084 211 382
- ຈໍລະຈອນ: 084 211 382
- ລົດໂຮງໝໍ: 084 211 048
- ໄຟຟ້າ: 084 1199
- ນໍ້່າປະປາ: 084 121 382