ການເຄື່ອນໄຫວຂອງທ່ານເຈົ້າແຂວງ-ຮອງເຈົ້າແຂວງ

ພິທີມອບ-ຮັບ ໜ້າທີ່ ເລຂາພັກແຂວງ-ເຈົ້າແຂວງບໍ່ແກ້ວ

ໃນຕອນບ່າຍ ຂອງວັນທີ 15 ສິງຫາ 2018 ຢູ່ທີ່ຫ້ອງວ່າການແຂວງ ບໍ່ແກ້ວ ໄດ້ມີພິທີມອບ-ຮັບ ໜ້າທີ່ ເລຂາພັກແຂວງ-ເຈົ້າແຂວງບໍ່ແກ້ວ ລະຫວ່າງ ຜູ້ເກົ່າ ແລະ ຜູ້ໃໝ່ ໂດຍການເປັນປະທານ ຂອງທ່ານ ຈັນສີ ໂພສີຄຳ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ, ຫົວໜ້າໜ້າຄະນະຈັດຕັ້ງສູນກາງພັກ. ເຊິ່ງມີບັນດາການນໍາ ຂັ້ນສູນກາງ, ຂັ້ນແຂວງ, ຂັ້ນເມືອງ, ພະນັກງານຫຼັກແຫຼ່ງ ແລະ ພະນັກງານບຳນານ ຂອງແຂວງ ເຂົ້າຮ່ວມ. ໃນພິທີ ທ່ານ ວັນໄຊ ພອງສະຫວັນ ຮອງຫົວໜ້າຄະນະຈັດຕັ້ງສູນກາງພັກ ໄດ້ຜ່ານຄຳສັ່ງ ຂອງກົມການເມືອງສູນກາງພັກ ເລກທີ 039/ກມສພ, ລົງວັນທີ 2 ສິງຫາ 2018, ວ່າດ້ວຍ ການຍົກຍ້າຍ ສະຫາຍ ປອ ຄຳພັນ ເຜີຍຍະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງບໍ່ແກ້ວ ໄປຮັບໜ້າທີ່ໃໝ່ ເປັນເລຂາພັກແຂວງ, ເປັນແຂວງອຸດົມໄຊ (ຜູ້ໃໝ່) ແລະ ຜ່ານຂໍ້ຕົກລົງ ຂອງກົມການເມືອງສູນກາງພັກ ສະບັບເລກທີ 042/ກມສພ, ລົງວັນທີ 2 ສິງຫາ 2018 ວ່າດ້ວຍ ການແຕ່ງຕັ້ງສະຫາຍ ປອ ບົວຄົງ ນາມມະວົງ ກຳມະການສຳຮອງສູນກາງພັກ, ຮອງເລຂາຄະນະພັກແຂວງ, ຮອງເຈົ້າແຂວງຫຼວງພະບາງ ມາເປັນເປັນເລຂາພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່).

ໂອກາດນີ້, ທ່ານ ຈັນສີ ໂພສິຄຳຫົວໜ້າຄະນະຈັດຕັ້ງສູນກາງພັກ. ໄດ້ໂອ້ລົມ ຍົກໃຫ້ເຫັນເຖິງຈຸດປະສົງ ຂອງການຍົກຍ້າຍ ໃນຄັ້ງນີ້ ເປັນການປະຕິບັດຕາມແຜນກໍານົດ, ແຜນຈັດວາງຊັບຊ້ອນ ພະນັກງານນຳພາ-ຄຸ້ມຄອງ ຂັ້ນສູນກາງ ແລະ ເປັນການປັບປຸງການຈັດຕັ້ງ ໃຫ້ຖືກຕ້ອງຕາມໜ້າທີ່ການເມືອງໃນໄລຍະໃໝ່, ພ້ອມທັງ ເໜັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ຈົ່ງຕັ້ງໜ້າປະຕິບັດໜ້າທີ່ວຽກງານ ທີ່ໄດ້ຮັບການມອບໝາຍ ໃຫ້ປະສົບຜົນສຳເລັດ, ເມື່ອໄດ້ມີການສັບປ່ຽນຜູ້ເປັນເລຂາ ຂໍສະເໜີໃຫ້ບັນດາທ່ານ ການນຳຂອງແຂວງ, ພະນັກງານຫຼັກແຫຼ່ງທຸກຂັ້ນ ຈົ່ງເປັນເອກະພາບ ຕາມການຕົກລົງ ຂອງກົມການເມືອງສູນກາງພັກ. ພ້ອມກັນສືບຕໍ່ ປົກປັກຮັກສາ ຄວາມສາມັກຄີ ພາຍໃນ ຄະນະບໍລິຫານງານພັກແຂວງ ໃຫ້ມີຄວາມໜັກແໜ້ນ ຄວາມເປັນເອກະພາບສູງ, ສືບຕໍ່ເປັນຫຼັກແຫຼ່ງ ເປັນກົກຄັນທຸງ ເປັນແກນນຳ, ພ້ອມທັງ ໃຫ້ຄວາມຮ່ວມມື ສະໜັບສະໜູນ ຊ່ວຍເຫຼືອ ເຈົ້າແຂວງບໍ່ແກ້ວ (ຜູ້ໃໝ່) ໃນການສ້າງສາ ພັດທະນາແຂວງບໍ່ແກ້ວ ໃຫ້ກ້າວຂຶ້ນ. ໂດຍສະເພາະ ແມ່ນວຽກງານກໍ່ສ້າງພັກ ໃຫ້ມີຄວາມປອດໃສ ເຂັ້ມແຂງ ແລະ ໜັກແໜ້ນ, ໄປຄຽງຄູ່ກັບວຽກງານ ປັບປຸງ ກໍ່ສ້າງ ພະນັກງານ, ວຽກງານປ້ອງກັນຊາດ-ປ້ອງກັນຄວາມສະຫງົບ  ຕິດພັນກັບ ວຽກງານວິຊາສະເພາະ ເຮັດໃຫ້ທຸກຂົງເຂດວຽກງານ ໄດ້ຮັບການພັດທະນາດີຂຶ້ນ.

ແຜນທີແຂວງບໍ່ແກ້ວ

ເບີໂທສຸກເສີນ

- ຕຳຫຼວດ: 084 211 338
- ດັບເພີງ: 084 211 382
- ຈໍລະຈອນ: 084 211 382
- ລົດໂຮງໝໍ: 084 211 048
- ໄຟຟ້າ: 084 1199
- ນໍ້່າປະປາ: 084 121 382