ຊົມເຊີຍວັນຊາດ ທີ 2 ທັນວາ ຄົບຮອບ 41 ປີ ຢ່າງສຸດໃຈ !

ພະນະທ່ານ ຄຳໄຕ ສີພັນດອນ ອາດີດ ປະທານພັກ, ປະທານເທດແຫ່ງ ສປປ ລາວ ມາຢ້ຽມຢາມ ແລະ ເຮັດວຽກຢູ່ ແຂວງບໍ່ແກ້ວ

ໃນລະຫວ່າງວັນທີ 29-30 ເມສາ 2017. ພະນະທ່ານ ຄຳໄຕ ສີພັນດອນ ອາດີດປະທານພັກ, ອາດີດ ປະທານປະເທດ ແຫ່ງ ສ ປປ ລາວ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ.

ໂອກາດມາເຖິ່ງ ໄດ້ໃຫ້ການ ຕ້ອນຮັບຈາກທ່ານ ປ.ອ ຄຳພັນ ເຜີຍຍະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆ ບໍ່ແກ້ວ ພ້ອມດ້ວຍຄະນະນຳ ຂອງແຂວງ-ເມືອງ ອອກຕ້ອນຮັບທີ່ເດີ່ນບິນກົມການເມືອງ. ຈາກນັ້ນ ໄດ້ສືບຕໍ່ໄດ້ພົບປະໂອ້ລົມ ພະນັກງານຫຼັກແຫຼ່ງ ອ້ອມຂ້າງແຂວງ, ເມືອງ ທີ່ສະໂມສອນແຂວງ.

ພ້ອມທັງໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານແຜນພັດທະນາເສດຖະກິດ - ສັງຄົມ ຂອງແຂວງໂດຍຫຍໍ້ ຈາກ ທ່ານ ເຈົ້າແຂວງບໍ່ແກ້ວ. ຕະຫຼອດໄລຍະຜ່ານມາ ແຂວງບໍ່ແກ້ວ ແມ່ນໄດ້ເອົາໃຈໃສ່ ໃນການຈັດຕັ້ງປະຕິບັດວຽກງານ ແຜນພັດທະນາເສດຖະກິດ - ສັງຄົມ ຂອງແຂວງ ໂດຍສຸມໃສມະຕິ 03 ຂອງກົມການເມືອງສູນກາງພັກ ວ່າດ້ວຍ ການສ້າງແຂວງ ເປັນຫົວໜ່ວຍຍຸດທະສາດ, ສ້າງເມືອງ ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ຕາມທິດຍືນຍົງ 4 ເນື້ອໃນ 4 ຄາດໝາຍວ່າງອອກ. ການປະຕິບັດ ແຜນພັດທະນາເສດຖະກິດ - ສັງຄົມ ຂອງແຂວງ ໄດ້ຈັດຕັ້ງຜັນຂະຫຍາຍເປັນ 7 ແຜນງານ 52 ໂຄງການ ແລະ 21 ໂຄງການບູລິມະສິດ ເພື່ອສຸມໃສ່ພັດທະນາ ມາຮອດປະຈຸບັນ ລວມຍອດຜະລິດຕະພັນພາຍ ໃນບັນລຸ 2.525,72 ຕື້ກີບ, ເສດຖະກິດຂະຫຍາຍຕົວໃນລະດັບ 9,7% ສະເລ່ຍລາຍຮັບຕໍ່ຫົວຄົນໄດ້ 1.679,93 ໂດລາ/ຄົນ/ປີ. ທຽບໃສ່ແຜນການ ເພີ້ມຂຶ້ນ 18.75 ໂດລາ, ຂົງເຂດທີ່ມີການລົງທຶນສ່ວນຫຼາຍ ມີຂະບວນການຟົດຟື້ນ ເປັນຕົ້ນແມ່ນກິດຈະການທ່ອງທ່ຽວ, ເຊິ່ງມີນັກລົງທຶນຈາກຕ່າງປະເທດ ເຂົ້າມາລົງທຶນ ຫຼາຍຮູບການ. ການປະຕິບັດ ຈັດເກັບລາຍຮັບ ເຂົ້າງົບປະມານຂອງແຂວງ ແມ່ນບັນລຸ 82% ໄປພ້ອມກັນນັ້ນ ເພື່ອຄ້ຳປະກັນສະບຽງອາຫານ ເປັນຕົ້ນ ແມ່ນການຜະລິດເຂົ້າ ໃນປີ 2016 ການຜະລິດເຂົ້າກິນບັນລຸໄດ້ 89.033 ໂຕນ ສະເລ່ຍເຂົ້າກິນໃສ່ຫົວຄົນຜູ້ໜຶ່ງໄດ້ 479 ກິໂລ/ຄົນ/ປີ ແລະ ແຮໄວ້ຈຳນວນໜຶ່ງ, ນອກຈາກນັ້ນ ແຂວງຍັງເອົາໃຈໃສ່ຕໍ່ວຽກງານ ກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ແລະ ລຶບລ້າງຄວາມທຸກຍາກ ໂດຍສະເພາະ ແມ່ນວຽກງານ 3 ສ້າງ, ປະຈຸບັນ ມີເສັ້ນທາງໄປຮອດບ້ານກວມ 97,25% ທ່ຽວໄດ້ 2 ລະດູກວມ 77,6%, ມີບ້ານຊົມ ໃຊ້ໄຟຟ້າແລ້ວກວມ 94,54%, ຊີວິດການເປັນຢູ່ຂອງປະຊາຊົນນັບມື້ດີຂຶ້ນ, ປະຈຸບັນ ສາມາດປະກາດ ບ້ານພັດທະ ນາຮອບດ້ານໄດ້ແລ້ວ 97 ບ້ານ, ວຽກງານພັກ ແມ່ນມີການພັດທະນາຕາມ 5 ຫຼັກການ 3 ທິດນໍາ ຂອງພັກວາງອອກ ຢ່າງເຂັ້ມງວດ, ທົ່ວແຂວງມີ 8 ອົງຄະນະພັກ 66 ຄະນະພັກຮາກຖານ.

ໂອກາດນີີ້ພະນະທ່ານ ຄຳໄຕ ສີພັນດອນ ອາດີດປະທານພັກ ອາດີດປະທານປະເທດແຫ່ງ ສ ປປ ລາວ ໄດ້ມີຄຳເຫັນທັດ ສະນະຊີ້ນຳໆພາປວງຊົນລາວ ທັງຊາດເວົ້າລວມ ເວົ້າສະເພາະ ກໍ່ຄືປະຊາຊົນຊາວ ແຂວງບໍ່ແກ້ວ ໃຫ້ເອົາໃຈໃສ່ຕໍ່ວຽກງານການເມືອງແນວຄິດ ພາຍໃນພັກພາຍໃນສັງຄົມໃຫ້ມີຄວາມ ໜັກແໜ້ນເຂັ້ມແຂງໂດຍປະຕິບັດ ຕາມ 4 ເນື້ອໃນ 4 ຄາດໝາຍຄຽງຄູ່ກັບວຽກງານ 3 ສ້າງ, ສ້າງແຂວງເປັນຫົວໜ່ວຍ ຍຸດທະສາດ, ສ້າງແຂວງ ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ຕາມມະຕິ 03 ຂອງກົມການເມືອງສູນ ກາງພັກ ວາງອອກ, ເຮັດໃຫ້ທົ່ວພັກ, ທົ່ວລັດ, ທົ່ວປວງຊົນລາວທັງຊາດ ໄດ້ຮັບຮູ້ຕໍ່ແນວທາງການປ່ຽນແປງ ໃໝ່ຂອງພັກເຮົາ. ເອົາໃຈໃສ່ວຽກງານການແກ້ໄຂຄວາມທຸກຍາກ ໃຫ້ປະຊາຊົນບັນດາເຜົ່າ ໃຫ້ຫຼຸດພົ້ນອອກຈາກຄວາມດ້ວຍພັດທະນາ ໃນປີ 2020.

ຫ້ອງວ່າການປົກຄອງແຂວງ ປະຕິບັດໜ້າທີ່ເປັນເສນາທິການທີ່ດີ, ເປັນຜູ້ປະສານງານທີ່ດີ ແລະ ເປັນຜູ້ບໍລິການທີ່ດີ

ບໍ່ແກ້ວມະນີລ້ໍາຄ່າ ຊົມປ່າດອກງິ້ວບານ ເທດສະການບັນດາເຜົ່າ ຖິ່ນເມືອງເກົ່າສຸວັນນະໂຄມຄໍາ ຊົມຖ້ໍານ້ໍາຍູ້ ອູ້ສາວລາວຢວນ ຊວນຊົມວັດຈອມເຂົາມະນີລັດ ໄຫວ້ພຣະທາດສຸວັນນະຜາຄໍາ

ແຜນທີແຂວງບໍ່ແກ້ວ

ສະຖິຕິ ຄົນເຂົ້າຊົມເວັບໄຊ

ມື້ນີ້:ມື້ນີ້:10
ມື້ວານນີ້:ມື້ວານນີ້:13
ອາທິດນີ້:ອາທິດນີ້:23
ເດືອນນີ້:ເດືອນນີ້:433
ທັງໝົດ:ທັງໝົດ:49229

ເບີໂທສຸກເສີນ

- ຕຳຫຼວດ: 084 211 338
- ດັບເພີງ: 084 211 382
- ຈໍລະຈອນ: 084 211 382
- ລົດໂຮງໝໍ: 084 211 048
- ໄຟຟ້າ: 084 1199
- ນໍ້່າປະປາ: 084 121 382